П.Сэрдамба хүрэл медалийн болзол хангалаа

Азербайжаны нийслэл Баку хотноо явагдаж буй боксын насанд хүрэгчдийн дэлхийн аварга шалгаруулах тэмцээнээс манай ширэн бээлийтнүүд анхныхаа медалийг хүртлээ. Хамгийн хөнгөн жинд өрсөлдсөн Олимпийн мөнгөн медальт, дэлхийн аварга П.Сэрдамба дөнгөж сая хүрэл медалийн төлөө тоглолтоо Кубын боксчинтой хийж, хүнд цохилтоор буулган авлаа. Манай хүн одоо мөнгөн медалийн төлөө БНСУ, Энэтхэгийн боксчдын ялсантай тоглоно. Манай хүний нөгөө хэсэгт Олимпийн аварга Зоү Шимин, ОХУ-ын боксчин өнгөрсөн жил финалд тулж, ялж байсан Давид Айрапетянтай таарчээ. У.Мөнх-Эрдэнэ мөн өнөөдөр хүрэл медалийн төлөө өрсөлдөнө.