Цалин, тэтгэврийг хэрхэн нэмэх асуудлаар нээлттэй хэлэлцүүлэг зарлалаа

МҮЭХ-ноос цалин, тэтгэвэр нэмэх тухай асуудлаар иргэдийн дунд нээлттэй хэлэлцүүлэг хийхээ зарлалаа. Нээлттэй хэлэлцүүлэг ирэх баасан гаригт МҮЭСТО-д болох юм байна. Засгийн газар ирэх 2012 онд цалингийн хэмжээг 53 хувиар нэмэгдүүлэхээ мэдэгдсэнтэй холбогдуулан МҮЭХ Засгийн газартай гурван талт хэлэлцээр хийх, хэлэлцээрт олон нийтийн саналыг тусгах ёстой гэж үзэж байгаагаа өчигдөр мэдээлсэн юм. Тэрбээр цалин, тэтгэврийн дээд, доод хязгаарын ялгааг багасгахыг шаардаж хэлэлцээрт оролцоно гэсэн бодолтой байгаа бололтой.