Жэймс Бондын дүрд 100 сая доллараар ч тоглохгүй гэжээ
Нэрт жүжигчин Дэниел Крэйгт Жеймс Бондын тухай ээлжит кинонд дүр бүтээхэд нь 100 сая доллар амласан хэдий ч татгалзсан тухайгаа тэрээр мэдэгдсэн байна. Британийн жүжигчин эр агент 007-ын дүрийг амьдралаасаа салган, цаашид түүнд тоглохыг огтхон ч хүсэхгүй байна гэж Daily Mail-д мэдээлжээ.
Крэйг цаашид дэлгэцнээ гарах “Бонд”-ын хоёр кинонд тоглон, мөн хэсэгчилсэн сурталчилгаанд зураг авахуулахын төлөө 100 сая долларын урамшуулал авах ёстой байсан аж.
Харин төслийн санаачлагчид британи эрийг тайван орхихоор шийдсэн бололтой. Тэгээд ч мань эр өмнө нь сэтгүүлчдэд ярилцлага өгөхдөө тэдний ажлын талаар олон таагүй зүйлсийг дэлгэж байсан гэнэ. Дэниел Крэйг нийтдээ Жеймс Бондын тухай дөрвөн кинонд тоглож байсан аж: Casino Royale-2006, Quantum of Solace -2008, Skyfall-2012, Spectre -2015.
Д.Мөрөн
Эх сурвалж: ZONE.MN
URL:
