Өнөөдрийн зурхай /2016.05.20/

Өнөөдөр аргын тооллын 2016 оны тавдугаар сарын 20. Бямба гараг. Билгийн тооллын XVII  жарны “Муу нүүрт” хэмээгч Гал бич жилийн Зуны тэргүүн харагчин могой сарын  Билгийн тооллын 14. Сугар гараг. Салхины эх одтой, 2 хар мэнгэтэй хар бар өдөр. Өдрийн барилдлага:  Үл тохирох. Шүтэн барилдлага: Хурьцахуй . Өдрийн наран 5 цаг 16 минутад мандан, 20 цаг 29 минутад жаргана.

Тухайн өдөр морь, нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хараал, жатхыг буцаах, амьлуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, тангарагаа буцаахад сайн. Золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал эд, мал арвидна хэмээжээ.

* * *Өрнийн зурхай * * *

Хонь (3/21-4/19)

Хайр дурлалаас эрч хүч авах, ёс суртахуунаа цэвэршүүлэх, эрүүл саруул ухаанаар ялах өдөр. Амьдралын эрч хүч өндөр байх тул та эрч хүчтэй ажил хэрэгч байна. Бодсоноо гүйцэлдүүлэх эсвэл нөр их хөдөлмөрийнхөө үр шимийг амсах бололтой. Хурц гялалзсан оюун ухаан, сэтгэлгээ таны амьдралыг дээшлүүлнэ. Яаруу сандруу шийдвэр гаргахаас татгалз. Эргэн тойрныхонтойгоо дотно, дулаан харьцаатай байна. Таны хайртай хүндээ тавих анхаарал халамжаас ирээдүйн ажил хэргийн үйл явц шалтгаална.

Үхэр (4/20-5/20)

Өдөөн хатгалга, сөргөлдөөнтэй өдөр. Аливаа маргаан томоохон хэрүүл тэмцэлд хүргэнэ. Учир нь өнөөдөр харилцан ойлголцол огт бий болохгүй нь. Иймээс туйлын болгоомжтой бай. Ямар ч ажил хэргийг явуулахдаа шаргуу, санаачлагчтай бай. Асуудалд нухацтай хандаж, харилцан буулт хийх замаар шийд. Шинээр хүнтэй танилцахгүй байх болон итгэл найдвар даахгүй хүмүүсийг өөртөө ойртуулахгүй байхыг хичээ. Бусадтай харилцахдаа анхаарал болгоомжтой бай. Өөрийн болон ойр дотнын хүмүүст онцгой ихээр анхаарал хандуулах шаардлагатай байх болно.

Хамтатгах (5/21-6/21)

Таны өөрийн стиль гэж байгаа түүнийгээ битгий алдаарай. Энэ нь таны хувьд маш чухал шүү. Заль мэх нь сайн зүйлд хүрэхгүй гэдгийг та мэдэх хэрэгтэй. Та тэвчээргүй байдлаасаа болж эвгүй байдалд орж магадгүй. Өнөөдөр танд чадвар дутаж байгааг та мэдэрнэ. Өөрийн үйлдэл болон шийдвэрээ сэтгэл хөдлөлөөрөө шийдвэрлэхээс болгоомжил. Гэнэтийн тааламжгүй зүйлээс болоод азгүй байдалд орж болзошгүй тиймээс болгоомжтой байгаарай. Шууд том амжилтад хүрч болохгүйг та мэдэх хэрэгтэй.

 Мэлхий  (6/22-7/22)   

Таны тэвчээрийг шалгах өдөр. Хэн нэгэн танд гэнэт таагүй хандаж эхлэх бөгөөд үүний учрыг олох гэж та хэрэндээ л бухимдана. Гэхдээ уур бухимдалдаа хэт автагдан алдаа эндэгдэл гаргахгүй байхыг онцгой анхааруулж байна. Холын нэгнээс захиа хүлээн авах бөгөөд энэ нь таны сэтгэлийн үнэхээр их хөдөлгөж болзошгүй. Төрийн байгууллагад хандах, бичиг баримтаа бүрдүүлэхэд тохиромжтой өдөр. Гэхдээ та өнөөдөр хэт яарах хэрэггүй. Мөн гэнэн, итгэмтгий зангаа зас. Эс тэгвэл мөнгө санхүүгийн алдагдалд орж болзошгүй байна.

Арслан (7/23-8/22)   

Ажил төрөл ихтэйн улмаас гэр бүл, үр хүүхдээ анхаарал халамж тавихаа мартсан байна. Тэгвэл үүнийг засах боломж өнөөдөр тохиож байна. Та гэнэтийн бэлэг барьж тэднийг баярлуулж чадвал гэгээлэг бүхнээр цэнэглэгдэх болно. Өөрийн үзэл бодол, байр сууриа хамгаалах шаардлага танд гарах байх. Арилжаа наймаанд хэт идэвхийлэн зүтгэх, эрсдэлтэй алхам хийхээс зайлсхий. Өнөөдөр чухал шийдвэр гаргах буюу зоригтой алхам, үйлдэл хийх хэрэггүй, таагүй уршиг муу үр дагавартай тул хожим харамсана.

Охин (8/23-9/22)    

Бизнесийн түншүүдийн үйл ажиллагаа хамгийн тохиромжгүй үед өөрчлөгдөж багагүй төвөг удна. Хамтран ажиллаж байгаа түншүүддээ бодох хугацаа олго. Тэд зөв шийдвэр гаргах болно. Гэр бүлдээ хэрүүл маргааныг бүү үүсгэ. Маргаан гарвал зайлшгүй салахад хүргэнэ. Ахимаг насны болон бие султай хүмүүсийн бие эрс муудах, өвчин хурцдах явдал тохиож болзошгүй.

Жинлүүр (9/23-10/22)   

Хүүхдүүдтэйгээ харьцахад таатай өдөр. Та тэднийг эрхлүүлэх хандлагатай. Гэвч энэ нь сурган хүмүүжүүлэх ёс зүйд нийцэхгүй. Хүүхдүүдээ хэт эрхлүүлж болохгүй. Тоглоомын аргаар зөв хүмүүжүүл. Та нарын ажлын өгөгдөл амжилттай байж, ямар нэгэн санал ирнэ. Алийг нь ч сонгосон бай та эргэж буцахааргүй их хугацаа зарцуулна. Өөрийн дотоод оюун санаанд анхаарал хандуул. Анагаах ухаан эсвэл дахин сурах талаар бодоод үзээрэй.

Хилэнц (10/23-11/21)   

Уран бүтээл, оюун ухаан, сурган хүмүүжүүлэх мэдээллийн салбартай холбоотой ажил хэргээр ажилтанд хүргэнэ. Дээд зэргийн ашиг олохын тулд бүх төлөвлөгөөгөө бусдад бүү дэлгэ. Түншүүддээ бүү найд. Магадгүй тэднийг сольж ч болох юм. Шинэ шашинд бүү автаарай. Өөрийн дүр төрхдөө үнэнч бай. Ямар нэгэн шийдвэрт бүү хүр мөн хэрүүл маргаанд бүү оролц. Хэрэв ийм зүйлд орооцолдсон бол дуу шуугиан бүү гарга.

Нум (11/22-12/21)

Өнөөдөр таны биеэ даах гэсэн хүсэл амжилттай болно. Гэвч хувийн амьдралын бүхий л зүйл санаснаар тань байхгүйд бухимдах, сэтгэл тавгүйтэх болно. Өдрийн эхний хагаст хувийн амьдралдаа чухал шийдвэр гаргах болно. Өнөөдөр томоохон завсарлага авах өдөр магадгүй таатай эсвэл таагүй зүйл тохиох болно. Хамтрагчтайгаа үл ойлголцолд хүрэх эсвэл баяр хөөртэй байх боловч энэ нь таныг зүгээр л одод туршиж байгаагийн илрэл бөлгөө. Та өөрт тохиолдсон бартаат зүйлийн тэмдэглэл хөтөлж байхыг зөвлөе.

Матар (12/22-1/19)   

Өчигдрийн сонин өдөр өнөөдөр бас л үргэлжлэх бололтой. Гэхдээ та үүнийг зүгээр хараад суугаад байвал байдал улам л дордоно. Хэн нэгэнтэй зөвлөж энэ байдлаас яаж гарах арга замыг зөвшилц. Харин танд эсрэг хүйстний үг чухал гэдгийг зөвлөе. Хэдийгээр таны оролцоогүй хайрын асуудал гарах хэдий ч энэ бол зүгээр л байдаг зүйл гэж бодон өнгөрөөх хэрэгтэй. Ингэж чадвал гэр бүлийн тогтвортой байдал улам бэхжинэ.

Хумх (1/20-2/18)   

Урлагийн хүмүүсийг аз ивээнэ. Нэр алдар авч ирэх шинэ танилуудтай болох, гэнэтийн сайхан нөхцөл бүрдэх нигууртай. Таны бүх санаачлагыг хялайж хардаг даргатайгаа харилцах харилцаанд асуудал үүсэж болно. Энэ нь таны ивээн тэтгэхийг хичээх, удирдах хүсэл зэрэг орно. Тодорхой ойлгомжтой санаагүй учир таныг өөрийн үйлдэлд итгэлтэй бус сэтгэл алдарсан байдалд оруулна. Ажилдаа өвөрмөц арга барилаар хандаж, шинэ ажил эхлэх, эрсдэлтэй үйл ажиллагаанд ч таатай. Романтик учрал тохиох магадлалтай. Залуу хүмүүс түрэмгий болон эрсдэлтэй алхам хийх магадлалтай. Бүхнийг шинээр эхлэхэд оройтоогүй байна.

Загас (2/19-3/20)

Ар гэрийн амьдрал хэвийн ажиллахад тань нөлөөлөхгүй. Агаарт гарах ажил зохио. Зоригтой байж тууштай ажилла. Хайртай хүнийхээ анхаарлыг татахын тулд та дээд зэргийн хүчин чармайлт гаргах болно. Эрчүүд сонирхолтой танил, эсвэл хэн нэгэнтэй сонирхолтой романтик болзоо зохиох магадлал их байна. Эмэгтэйчүүд худалдаа наймааны үйл ажиллагаанд мөн эрсдэл бүхий тоглоомонд найдах хэрэггүй гэж зөвлөж байна.