Хотонгийн хошуугаар хийсэн хусуурын бизнес цэцэглэж, амьтны эрх ноцтойгоор зөрчигдөж байна

Монголчууд эрт дээр үеэс морины хусуурыг хус модоор хийсээр ирсэн. Тэгвэл орчин цагт тэрхүү модон хусуур ард хоцорч,  хотон шувууны хошуугаар хийсэн хусуур моданд орох болжээ.

Тэрбээр шинэ цагийн уяачид хотон шувууны хошуугаар хийсэн хусуурыг ихээр сонирхох болсноор энэхүү хусуурын бизнес өдрөөс өдөрт цэцэглэсээр байгаа юм. Харин энэ бүхний цаана Хотон шувууны  тоо толгой ихээр хоргодож, амьтны эрх ноцтойгоор зөрчигдсөөр байна.

Саяхан гэхэд хурдан морь сонирхогчдын  Facebook группүүдэд хотонгийн хошуугаар хийсэн хусуурын талаарх зар нийт  20 гаруй тавигдсан байна лээ. Үүний  зургаа нь харьцангуй сүүлд агнасан байж болох шинжтэй байгаагаас дүгнэхэд хотон шувууны хууль бус агнуур ямар хэмжээнд байгааг харж болох юм.

Гэвч энэхүү хууль бус агнуур нь нууц, далд хэлбэрээр чимээгүй үйлдэгдсээр байгааг холбогдох байгууллагууд нь мэдсэн ч мэдээгүй юм шиг харж сууна.

Хотон шувууны хошуугаар хийсэн хусуурын “мода”-ыг анх хэн гээч ямар хүн нь дэлгэрүүлчхэв. Уяачид маань урьд өмнө нь байгалынхаа бүтээлийг ашиглан чамин ур хийцтэй хусууруудыг  ашигласаар өдийг хүрсэн. Гэтэл амьтны халуун амыг бүрэлгэн бүлээр хошуугаар нь хусуур  хийх хэрэг байна уу гэж зөвлөмөөр байна.

Иймд хотонгийн хууль бус агнуурыг илрүүлэх тал дээр анхаарлаа хандуулах цаг нь болжээ.

Bolod.mn У.Сайхан