Х.Дармен “тусгаар улс байгуулна” гэв үү

Тува, Урианхай, Казах, Дөрвөд зэрэг үндэстэнүүдээс бүрдсэн Баян-Өлгий аймагт бага ястнуудын хооронд “маргаан” үргэлж хэл ам дагуулсаар байдаг. Тэр тусмаадунд сургуулийн хүүхдүүд Монгол, Казахаараа “талцдаг” тухай мэдээлэлүүд ч бий. Тэгвэл “дайн дээр дарь” гэгчээр нэгэн мэдээлэл сүүлийн үед чих дэлсэх болов.

Тодруулбал, Баян-Өлгийн аймгийн Засаг дарга Х.Дармен Казахстан улсад очих үедээ “Баян-Өлгийчүүд бидний эх орон бол Казахстан. Манай улсын Ерөнхийлөгч Назарабаев. Бид үргэлж Казахстанчуудаа дэмжиж ирсэн. Боломжтой бол тусгаар улс байгуулахад бэлэн” гэх утга бүхий зүйлс ярьсан тухай эх сурвалж мэдээллээ. Аймаг сумын удирдлага улс орон дамжин ийм зүйл яриад явж байна гэдэг итгэхэд бэрх. Харин ч улс орныхоо эв нэгдэл, хөгжил дэвшилийн тухай бусад улсад гайхуулмаар. Хэрвээ Баян-Өлгий аймгийн Засаг дарга ийм бодолтой явдаг бол түүнд “уучлаарай бид бүгд нэг л үндэс угсаатай Монгол түмэн юм шүү” гэсэн тайлбарыг өгмөөр байна.

Уг нь орон нутгийн удирдлагууд алсын хараатай байж, хэлэх ярих зүйлсээ цэгнэж, улс үндэстэнийхээ эв нэгдэл, аюулгүй байдал, хөгжил дэвшилд санаа зовдог баймаар. Үгүй бол “нурах байшин дотроосоо” гэгчийн үлгэрээр улс үндэстэн минь буруу зөрүү ярианаас болж дотроо маргаж, түнжин хагаралдсаар байх нь.