Г.Уянга хэнээс санхүүжилт авсан бэ?

УИХ-ын гишүүн Г.Уянга хэсэг нөхөрлөж явсан М.Энхсайханаас нүүр буруулж, МҮАН-аас татгалзсан цаг саяхан. Түүний хувьд хэнтэй нөхөрлөж, яагаад шадарлаж явсан эрхэмээсээ нүүр буруулчихав. Үүний хариулалт илүү тодорхой болж байх шиг. Тэр барын сүүл байсан дор батганы толгой явна гэж шийджээ. Ингэж харах шалтгаан нь түүний өнөөдөр ээлжит бус эх хурлаа хуралдуулж намын даргаараа сонгосон Тусгаар тогтнол, эв нэгдлийн нам. Энэхүү намын ээлжит бус их хурал Дуурь бүжгийн эрмдийн театрт боллоо.

Сураг сонсох нь ээ, уг хурлыг дэглэн найруулах ажлыг Херо студийн захирал Баатар хийсэн гэнэ. Мөн С1, Эх орон гэх мэт телевиз шууд дамжуулан үзэгчдэд хүргэжээ. Энэ бүхэн нь Г.Уянга хэнтэй нөхөрлөж, хэрхэн явах замыг сонгосон бэ? гэдэг асуултын хариулт болж байх шиг. Тусгаар тогтнол, эв нэгдлийн намд Миний монголын газар шороо, Онги гол гэх мэт байгаль орчны хөдөлгөөнүүд, мөн иргэний нийгмийн зарим байгууллага нэгдэж орсон бололтой. Үүний зэрэгцээ УИХ-ын дэд дарга Л.Цог бас тууж явна. Түүний хувьд МАХН-аасаа татгалзчихаагүй ч гэлээ Тусгаар тогтнол эв нэгдлийн намын их хурал хүрэлцэн иржээ. Мөн Уг хуралд Х.Баттулга, Ажнай буюу УИХ-ын гишүүн Д.Бат-Эрдэнэ, бие даагч гишүүн Д.Даваасүрэн, Х.Болорчулуун нарыг тус намын урьсан гэнэ. Харин тэднээс хараахан ирсэнгүй. Гэхдээ ор ирээгүй гэвэл бас өрөөсгөл. Х.Баттулга гишүүний туслах, ойр дотны зарим хүн тус намын их хуралд ирсэн харагдана. Үүний зэрэгцээ Ажнай Бат-Эрдэнэ гишүүний хувь эзэмшдэг гэх телевиз уг хурлын их л чухалчлан сурвалжилж байгаа харагдав.

Энэ бүхэн нь Г.Уянга гишүүний Тусгаар тогтнол, Эв нэгдлийн нам нь дотоод эх үүсвэрээс санхүүжилттэй болж таарлаа. Х.Баттулга гишүүн АН-д хандаж үг хаях болсон. Үүний цаад учиг нь өөрөө нэг намыг бойжуулж эхэлсэнтэй ч холбоотой байсан байж болзошгүй боллоо. Хэрэв АН нүүр буруулж Х.Баттулгыг түлхэх аваас тэр Г.Уянгатай нийлж Тусгаар тогтнол эв нэгдлийн намын туган дор явж болзошгүй байна.

Б.Ган        http://time.mn/content/76148