Месси гоолгүй, гоолын дамжуулалтгүй дөрвөн тоглолт өнгөрүүлэв

Лео Месси сүүлийн дөрвөн тоглолтод нэг ч гоол оруулаагүйн зэрэгцээ нэг ч гоолын дамжуулалт өгсөнгүй. Энэ нь түүний хувьд 2011 оноос хойш анх удаагаа ийм удаан хугацааны турш гоолгүй, гоолын дамжуулалтгүй яваа тохиолдол болж байна. Өчигдөр “Реал Сосьедад”-тай 0:1, өмнө нь “Вильярреал”-тай 2:2, “Реал Мадрид”-д 1:2, “Атлетико Мадрид”-ыг 2:1-ээр тоглоход Месси гоолгүй, гоолын дамжуулалтгүй өнгөрөөсөн юм.

2011 онд тэрбээр “Реал Мадрид”, “Эспаньол”, “Леванте”, “Депортиво”-той дараалан тоглохдоо мөн гоолгүй, гоолын дамжуулалтгүй тогложээ.