Өнөөдрийн цаг агаар

Малчид, ард иргэдэд зориулсан мэдээ: Өнөөдөр Хангай, Хөвсгөлийн уулсаар хур тунадас орно.

2016 оны дөрөвдүгээр сарын 04-ний 09 цагаас 21 цаг хүртэл: Ихэнх нутгаар солигдмол үүлтэй. Хангай, Хөвсгөлийн уулсаар хур тунадас орно. Бусад нутгаар хур тунадас орохгүй. Салхи говийн нутгаар баруунаас, бусад нутгаар баруун хойноос секундэд 6-11 метр, Алтайн салбар уулс болон Арц Богдын өвөр хоолойгоор секундэд 14-16 метр хүрч ширүүснэ. Завхан голын эх, Увс нуурын хотгор, Идэр, Тэс голын хөндийгөөр 4 хэм хүйтнээс 1 хэм дулаан, говийн нутгаар 13-18 хэм, бусад нутгаар 9-14 хэм дулаан байна.

УЛААНБААТАР ХОТ: Үүлшинэ. Хур тунадас орохгүй. Салхи баруунаас секундэд 6-11 метр. 11-13 хэм дулаан байна.

2016 оны дөрөвдүгээр сарын 05-наас дөрөвдүгээр сарын 09-ныг хүртэлх
цаг агаарын урьдчилсан төлөв

6-нд төв, зүүн зүгийн нутгийн зарим газраар, 9-нд баруун зүгийн нутгийн зарим газраар хур тунадас, нойтон цас орж зөөлөн цасан шуурга шуурна. Салхи 6-нд говь, тал хээрийн нутгаар, 8, 9-нд ихэнх нутгаар секундэд түр зуур 18-20 метр, 7-нд зарим газраар секундэд 12-14 метр хүртэл ширүүсч, шороон шуурга шуурна. Хугацааны эхээр төв болон зүүн зүгийн нутгийн хойд хэсгээр сэрүүхэн, бусад хугацаанд Завхан голын эх, Увс нуурын хотгор,  Хангай, Хөвсгөлийн уулархаг нутаг, Идэр, Тэс голын хөндийгөөр шөнөдөө 4-9 хэм хүйтэн, өдөртөө 0-5 хэм, говийн бүс нутгийн өмнөд хэсгээр шөнөдөө 1-6 хэм  дулаан, өдөртөө 16-21 хэм дулаан, бусад нутгаар шөнөдөө 0-5 хэм хүйтэн, өдөртөө 10-15 хэм дулаан байна.