ЗЦГ: Налайхын замд суудлын тэрэг автобустай мөргөлдөж хүний амь үрэгджээ

Улаанбаатар хотын  Замын цагдаагийн газарт өчигдөр 274 дуудлага мэдээ мэдээлэл ирснээс зам тээврийн ослын 198 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 10 бүртгэгдэж, нэг хүн нас барж, 25 хүн хүнд хөнгөн гэмтсэнбайна. Хоёр хүүхэд зам тээврийн осолд өртөж, 51 жолоочийг журамлажээ.

Тухайлбал:БЗД-ийн нутаг  Налайхын зам, Канад хаусын урд замд H.Sonata маркийн авто машины жолооч Э нь  Морь барьдаг ХХК-ны H.Aero city -540 маркийн Б жолоочтой автобустай мөргөлдөж зорчигч 37 настай эрэгтэй Б нас барж 14 хүн гэмтсэн.

ХУД-ийн нутаг То вангийн гудамж 19-н үйлчилгээний төвийн урд замд Т.Prado   маркийн авто машины жолооч Н нь явган зорчигч 13 настай эмэгтэй Н-г мөргөж гэмтээсэн.

Сэрэмжлүүлэг: Замын хөдөлгөөнд оролцож буй жолооч та зорчих хэсгийн гадаргууны байдал, тээж яваа ачаа, замын нөхцөл байдалд  тээврийн хэрэгслийн хурдаа зөв тохируулах, өөрсдийнхөө болон бусдын аюулгүй байдлыг сайтар хангаж анхаарал болгоомжтой бие биеэндээ хүндэтгэлтэй хандах, тээврийн хэрэгслийн техникийн бүрэн бүтэн байдлыг сайтар хангах, хамгаалах бүсээр тоноглогдсон тээврийн хэрэгслээр зорчиж яваа үедээ хамгаалалтын бүсийг зөв хэрэглэж хэвшихийг зөвлөж байна.