Баабар Ерөнхий сайдын ахлах зөвлөхөөр томилогджээ

Hийтлэлч Баабар буюу Б.Батбаярыг Ерөнхий сайдын ахлах зөвлөхөөр томилжээ. Түүнийг өнгөрсөн долоо хоногт томилсон байна. Ерөнхий сайдын ахлах зөвлөхөөр ажиллаж ирсэн Б.Дэлгэрмаа нь ОХУ-д суух Элчин сайдаар томилогдсон учраас дээрх томилгоог хийжээ.

Уншигчдын дунд Баабар нэрээрээ алдаршсан Б.Батбаяр 1954 онд төрсөн. Биохимич мэргэжилтэй тэрээр Ардчилсан хувьсгалд оролцож, түүнээс хойш нийгэм-улс төр, түүх, эдийн засгийн чиглэлээр ном, нийтлэл, өгүүлэл бичин олонд хүргэсээр ирсэн нэгэн билээ.

Г.Ган