2016 оны багийн Дэлхийн аварга БНХАУ

Ширээний теннисний багийн ДАШТ-ний эрэгтэйчүүдийн төрөлд БНХАУ-ын баг аварга боллоо. Тэд шигшээ тоглолтонд Японы багтай тоглож 3-0 харьцаагаар хожсон байна.

• Жун Мизутани (Япон) 0-3 Шии Шу (БНХАУ)
• Махару Ёшимура (Япон) 0-3 Лонг Ма (БНХАУ)
• Юя Ошима (Япон) 1-3 Жак Жанг (БНХАУ)

Энэ удаагийн багийн ДАШТ-нд Европ тивээс Австри, Чех, Грек, Франц, Швед, Англи, Герман, Дани, Польш, Португал, Украйн, Беларусь, Хорват, ОХУ, Румын, Итали, Ази тивээс БНХАУ, БНАСАУ, Тайвань, Малайз, Япон, Сингапур, БНСУ, Хонгконгийн багууд оролцсон. Японы эрэгтэй шигшээ баг хэсэгтээ Польш, Португал, Украйн, Беларусь болон Сингапур улстай багтсан. Хэсгийг Японы шигшээ баг ганц ч хожигдолгүй хэсгээс гараад Хонгконг болон Английн багийг хожиж шигшээд шалгарсан. Харин БНХАУ-ын баг БНАСАУ, Тайвань, Грек, Чех, Австри улстай багтаж, хэсгээсээ мөн ганц ч хожигдолгүй гарсан. Хасагдах шатанд Швед, БНСУ-ыг хожиж шигшээд шалгарсан. Ийнхүү БНХАУ-ын эрэгтэй, эмэгтэй баг хоюулаа 2016 оны багийн Дэлхийн аварга болж байна.