Ард тvмэн ядуу байхад орон сууц бариад ч нэмэргvй юм биш vv

Манай улс хєгжиж байна аа, єдрєєс єдєрт байшин барилга нь нэмэгдээд л. Бvтээн байгуулалтын ажил євєл, зунгvй єрнєєд л. Тэр дундаа орон сууц барьж байгаа барилгын компани нийслэлээр дvvрэн байна. Тасалгааны цонхоор харж байгаад єндєр краныг тоолоход 20,30-аараа харагдаж байгаа юм чинь. Дээрээс нь тєрєєс 40,100 мянган айлын орон сууц хєтєлбєр хэрэгжvvлээд л.

Энэ бvхнээс харахад нийслэлд гэр хороолол гэж байхааргvй их барилга баригдаж байгаа. Мєн урт хугацааны лизингээр байр авч буй залуус олон байна. Банкны єндєр хvvг даах чадалтай хvмvvс нь бvгд байранд орчихсон сураг гараад байгаа. Одоо мєнгє муутай, банкны єндєр хvvг тєлєх чадваргvй хvмvvс л гэр хороололд байгаа юм байх. Тийм байсан ч єдєр бvр нэг шинэ орон сууц ашиглалтад орж байна. Зундаа л нэг том орон сууцны хороолол, хотхон ашиглалтад орж байна. Бvр ашиглалтад орохоосоо ємнє зарагдаж дуусаад байна гэх. Гэр хорооллынхон шингэрч, бvгд байранд ороод байгаа юм уу гэхээр vгvй. Гэтэл єдєр болгон ашиглалтад орж байгаа орон сууцнууд зарагдаж дуусчихаад байдаг.

Сонирхолтой байгаа биз дээ. Уг нь баригдаж байгаа барилга бvрийг монголчууд худалдаж аваад, орон сууцанд ороод байвал гэр хорооллын асуудал шийдэгдэх боломжтой ч байж болох. Гэтэл тийм “уран сайхны кино” хэзээ ч хийгдэхгvй бололтой. Учир мэдэх хvмvvсийн ярьж байгаагаар шинэ баригдсан орон сууцнуудыг гадаадын иргэд худалдаад авчихдаг бололтой юм. Хятад, Солонгосоос гадна Европын орнуудаас хvртэл мєнгєтэй хvмvvс шинэ баригдаж байгаа барилгуудыг худалдаад авчихдаг. Бvр хэд хэдээр нь шvv. Тэгээд монголчуудад vнэтэй хєлслvvлж мєнгє олдог юм гэсэн. Бас нэг мєнгє угаах хэрэгсэл болж хувирсан бололтой юм. Эмгэнэлтэй байгаа биз дээ. Гэр хорооллын иргэдийн мєрєєдєл болсон байрыг гадныхан зvгээр л 10, 20-оор нь худалдаж аваад, тvрээслvvлж байна гэдэг. Тийм байхад яаж иргэд орон сууцанд орж, гэр хороолол багасч, утаа тvvх болох вэ дээ.

Барилгын компанийнхан ч яах вэ. Vнэтэй байраа хурдхан зарж л байвал хэн худалдаж авах нь тэдэнд хамаагvй, хаданд чимээгvй биз дээ. Тэгээд ч гадаадынхан худалдаад авчих юм чинь хэдээр ч зарсан яадаг юм гэсэн байдлаар хандаж, 60, 70 саяар хэдхэн ам метр талбайг зарж байна. Нєгєє л улиг болсон зах зээлийн хууль. Ийм байхад Монголоор дvvрэн орон сууц бариад хэрэг байна уу.
Сvvлдээ барилга барих газар олдохоо болилоо ч гэр хорооллынхон нь хэвээрээ л байгаад байна биз. Харин єнєєх гадаадынхан нь тохилог орон сууцны цонхоор мань мэтийг харан ярвайж зогсоо биз. Эсвэл бvх байруудыг худалдаж авчихаад, сарын сая тєгрєгєєр хєлслvvлнэ гэсэн шиг томорч байхыг vгvй гэх газаргvй. Зах зээлийн хуулиа гэж. Ийм л нэг хэнд захирагддаггvй хууль байх юм. Болдог бол тэр балай хуулийг тас цохих юмсан.

Н.Пунцагболд