Монгол залуу нутаг нэгтнээ хүйтэн мэс хэрэглэн гэмтээжээ

Өмнөд Солонгос улсын Жүнгнам аймгийн цагдаагийн газар тус аймагт гэрээгээр ажиллаж, амьдардаг Монгол улсын иргэн, 39-н настай А-г хүний амь нас хөнөөхийг завдсан хэргээр саатуулжээ.

Монгол залуу А нь 2-р сарын 28-ны өдрийн 22.00 цагийн орчим нутаг нэгт иргэн, 35-н настай Б-тай хамт гэртээ архидан согтуурч, улмаар хоорондоо маргалдах үед гал тогооны хутга хэрэглэн түүний цээжин хэсэгт хутгалсан хэрэг үйлдсэн байна. Үүний улмаас иргэн Б хүнд гэмтэж эмнэлэгт хүргэгдсэн ба яаралтай хийсэн мэс засал амжилттай болж, эдүгээ түүний амь нас аюулгүй болжээ.

Иргэн А нь “Хэт согтуу байхдаа ямар үйлдэл хийснээ санахгүй байгаа” хэмээн мэдүүлсэн бa түүний хэргийг үргэлжлүүлэн шалгаж байгаа юм байна.