Мөрийтэй тоглоомын газруудыг илрүүлэн шалгаж эхэлжээ

Нийслэлийн дөрвөн дүүргийн нутаг дэвсгэрт хууль бусаар мөрийтэй тоглоомын газар ажиллуулж байсан долоон үйлдлийг цагдаагийн алба хаагчид илрүүлжээ.

Тодруулбал, Сүхбаатар дүүргийн 17 дугаар хорооны иргэн 52 настай, эмэгтэй Б нь Баянгол дүүргийн 19 дүгээр хороонд “Армон жоли” ХХК-ийн байранд мөрийтэй тоглоомын газар ажиллуулж байжээ.

Уг хэргийг Баянгол дүүрэг дэх цагдаагийн нэгдүгээр хэлтэст шалгаж эхэлсэн байна. Мөн Баянзүрх дүүргийн тавдугаар хороонд байрлах “Хаан бургер” үйлчилгээний төвд, Баянзүрх дүүргийн нэгдүгээр хорооны “Жүр Мандал” автомат тоглоомын газарт, мөн дүүргийн 18 дугаар хороонд “Мичид” төвд хууль бусаар мөрийтэй тоглоомын газар ажиллуулж, байсныг цагдаагийн алба хаагчид илрүүлжээ. Эдгээр хэргийг Баянзүрх дүүрэг дэх цагдаагийн хоёрдугаар хэлтэст шалгаж байна.

Түүнчлэн Хан-Уул дүүргийн нэгдүгээр хороо “Нархан” хотхоны тоглоомын газарт, тус дүүргийн 11 дүгээр хороонд байрлах “Оргил стар” хотхоны тоглоомын газарт хууль бусаар мөрийтэй тоглоомын газар ажиллуулж байсныг илрүүлсэн байна. Чингэлтэй дүүргийн хоёрдугаар хорооны “Хан-Хөхий” хоолны газарт мөн хууль бусаар мөрийтэй тоглоом ажиллуулж байсныг илрүүлэн, эрүүгийн хэрэг үүсгэн шалгаж эхэлсэн байна.

О.Сайхан