Алттай бол Монголчуудын нутаг биш…

SHARE & ТЭМЦ! Ноён уулыг харьд бэлэглэн, алтыг нь ухуулах шийдвэрийг Цагаан сарын бэлгэт сайхан баярыг угтан гаргаж, УИХ,ЗГ ард түмэндээ сюрприз барилаа. Ноён уулын алттай хэсгийг Ноён уул биш Гацуурт гэж зүтгэсээр, харийн цөлмөгчдөд өглөө. Сентерра нь хүртэл 105 тонн алттай гэсэн атал ЗГ 70 гэж мэдээлж байснаа, 50 болгож УИХ-аар батлууллаа. Ийнхүү 55 тонн алтыг шууд Сентеррад бэлэглэж байна. Бороогийн 50 тонн алтыг бэлэглэсэн явдлаа давтлаа.
Алтны хэмжээг үлэмж дарснаар манай улс хуулийн дагуу алтныхаа 34 хувийг биш 16 хувийг л хүртэх болж байна. Цагаа тулахаар авах ч юм уу, үгүй ч юм уу, бүү мэд. 84 хувийг Сентерра завшина. Энэ нь харин ч ард түмнийг гийгүүлж байгаа хэрэг гэж байгаа юм. Алтнаасаа 0 хувийг авах буюу, зөвхөн гаргасан алтыг Монгол улс худалдаж авна гэж зүтгэж байсан цаг бий. Дараа нь 1 тонн алттай дүйцэх татвар л авна, өөр юм Монгол улс авахгүй ч гэж ЗГ гүрийж байсан. Өмнө Бороогийн 50 тонн алтыг ямар ч татваргүйгээр авч гарч, дараа нь эфелиэсээ жаахан юм өгч, манай улсыг аугаа тэтгэгч гэгдэх болсон Сентерратай ийм тохироо хийж байгаа этгээдүүдийг урвагч гэх үү, солиотой гэх үү? Урвагч бол шийтгэх, солиотой бол эмчлэх хэрэгтэй байна.
Ноён уулыг хамгаална гэвэл 78 мянган га газрыг хамруулах ёстой. Гэтэл 11 мянгыг хамрууллаа. Алттай бол Ноён уул биш, алтгүй бол Ноён уул юм гэнэ. Алттай бол монголчуудын нутаг биш, харийнхны нутаг болдог юм байна. Хэний төлөө хэнийг хуурч мэхлэх гээд байгаа юм бэ?

SHARE & ТЭМЦ!