Гоо сайхны газар эмэгтэйчүүдийн биеийг үнэлүүлж байжээ

Баянгол дүүргийн гуравдугаар хороонд үйл ажиллагаа явуулдаг “Жим” гоо сайхны газрыг энэ сарын 23-ны оройн 23:00 цагийн орчимд цагдаагийн байгууллагаас шалгажээ.

Шалгалтаар гоо сайхны газрыг зөвшөөрөлгүйгээр ажиллуулж, бусдын биеийг үнэлүүлэх ажлыг зохион байгуулж байсныг илрүүлсэн байна.

“Жим” гоо сайхны газрыг ажиллуулж байсан Баянгол дүүргийн дөрөвдүгээр хороонд оршин суух 54 настай эмэгтэй У нь уг ажлыг явуулж байжээ. Энэ хэргийг Баянгол дүүргийн цагдаагийн нэгдүгээр хэлтэст шалгаж эхэлсэн байна. Эх сурвалж www.wikimon.mn