Ялтан шилжүүлэх тухай хэлэлцээрт гарын үсэг зуржээ

Монгол Улсын Засгийн газар, БНХАУ-ын Засаг захиргааны онцгой бүс Хонгконгийн Засгийн газартай “Ялтан шилжүүлэх тухай” хэлэлцээр хийж Хууль зүйн сайд Д.Дорлигжав, Хонгконгийн Аюулгүй байдлын сайд, ноён Лай Тунг-квок нар гарын үсэг зурсан байна. Ингэснээр Хонгконгт ял эдэлж буй монгол иргэд эх нутагтаа шилжин ял эдлэх боломжтой болох аж.

Хэлэлцээрийг байгуулснаар хууль зүйн хоорондын хамтын ажиллагаа төдийгүй бусад салбарт Монгол, Хонгконгийн хоёр талын харилцааг нэмэгдүүлэх боломж нээгдэж байгаа юм.