Сэлбийг сэргээх ажил амжилттай байна

Сэлбийг сэргээх ажил нэлээд эрчимтэй явагдаж байна. Өнөөдрийн байдлаар Сэлбэ голын эрэг дагасан хоёр талын бетонон ханыг шинээр цутгаж  байгаа. Энэ ажлыг “Норбу” компанийнхан өнөөдрөөс эхлүүлж, энэ долоо хоногтоо багтаан дуусгах юм байна. Одоогоор голын хажуугийн баруун ханын суурийг бүрэн, зүүн ханын 70 орчим хувийг цутгаж дууссан аж.

“Яг одоогоор голын хажуу руу буух шатыг цутгах болон найман халиагуурыг цутгах ажилд бэлтгэж байна. Хашлага хийх төмрөө захиалчихсан байгаа. Гүйцэтгэгч компани ханыг поташтай буюу хасах хэмд тэсвэртэй бетоноор цутгаж байгаа. Тиймээс цаг агаарын өөрчлөлт ажилд ямар нэгэн хүндрэл, саад учруулахгүй гэв” гэсэн мэдээллийг албаны хүн өглөө