NBA: Криттэнтоны шүүх хурал удахгүй болно

Вашингтон Визардс багийн экс тоглогч Жаварис Криттэнтон хүн амины хэргээс болж баривчлагдсан тухай хэвлэлээр шуугих болоод нилээдгүй удаж байна. Тэрээр энэ хэрэгт буруугүй хэмээн мэдэгдээд байсан бол түүний шүүх хурал удахгүй Атлантад болохоор болсон байна.

Тэрээр 8 сард аллагад өртсөн 22 настай Жулиан Жонэсын үхэлд сэжиглэгдэж байсан ба цагдаагийн ажилтнуудын мэдэгдэж буйгаар түүнтэй хамт явж байсан хүн түүнийг онилон хороосон аж.

Харин сэжигтэн Криттэнтон ямар нэг хэрэгт оролцоогүй, өөрийн буруугүй гэдгээ мэдэгдээд байгаа бол энэ тухай түүний өмгөөлөгч түүнийг цагаатгагдана гэдгийг одоогийн байдлаар дурдаад байгаа билээ.

Криттэнтон NBА-ын тоглогчийн хувиар анх 2007 онд Жеоржиа Техийн сургуулиас Лос Анжэлэс Лэйкэрст драфтын 19-өөр сонгогдож, Мэмфис болон Вашингтон Визардст тоглож байгаад Хятадыг зорин, дараа нь нутагтаа эргэн ирж Ди-Лигт тоглож байсан юм.

Мөн түүнчлэн өнгөрсөн жил тэрээр хувцас солих өрөөнд Визардсын багийн хамтрагч Гилберт Арэнастай хамт галт зэвсэг хэрэглэсэн хэрэгт мөн шалгагдаж, улмаар хөнгөн хэлбэрийн тэнсэн авч байсан удаатай.

Энэ тухай дэлгэрэнгүй мэдээллийг буюу шүүх хурлын үр дүнг бид та бүхэнд удахгүй хүргэх болно.

Г.Зол-Эрдэнэ

GOGO.MN