Ижил хүйстэй залуусыг шиджээ

Залуусыг өндөр барилгаас шиджээ

Иракийн хэт даврагч “Халифын вант улс” бүлэглэл өчигдөр 20.00 цагт өөрийн твиттер хуудастаа 10 минут үргэлжлэх видео бичлэг байршуулсан тухай “www.dailymail.co.uk” мэдээллээ. Уг бичлэгт хэт даврагчид 47 залууг өндөр барилгаас шидэж дараа нь толгой тус газар руу нь бууджээ.

Хэт даврагчдын мэдэгдснээр “Амиа алдсан залуус бүгд ижил хүйстнүүд” гэнэ. Иракийн аль-Фурат мужийн Засаг захиргааны байрны дээвэр дээрээс залуусыг шидсэн байна.

Амиа алдсан залуус Мосул хотноо байрлах хэт даврагчдыг бэлддэг сургуулийн сурагчид байсан гэнэ. Өнгөрсөн оны сүүлээр ижил хүйстэн гэдгээ тэд хүлээн зөвшөөрсөн хэмээн тус бүлэглэлийн англи хэл дээр эрхлэн гаргадаг “Далиф” сэтгүүлд нийтэлжээ.

Энэ оны эхэнд хэт даврагчид ижил хүйстэн гэх 15  настай хүүг өндөр барилгаас шидсэн билээ. Харин өнгөрсөн онд 300 гаруй залууг ижил хүйстэн хэмээн буруутгаж, цаазалсан юм.

Б.Дэлгэрцэцэг