Автобусны жолооч 76 настай эмээг мөргөж гэмтээжээ

Улаанбаатар хотын Замын цагдаагийн газарт өчигдөр нийт 340 дуудлага ирж, зам тээврийн 286 дуудлага бүртгэгдсэн байна. Зургаан хүн хүнд хөнгөн гэмтжээ. Тухайлбал Сонгинохайрхан дүүргийн нутаг Хархорин захын автобусны буудалд “Тэнүүн огоо” ХХК автобусны жолооч 76 настай эмээг мөргөж гэмтээсэн хэрэг гарчээ. Түүнчлэн Өмнөговь аймгийн Ханбогд сумаас Оюутолгой явах 30 километрийн сайжруулсан шороон замд T.Prius маркийн Ч жолоочтой авто машин онхолдож жолооч 28 настай эрэгтэй Ч нас барж хоёр хүн гэмтсэн хэрэг гарсан байна.

Т.Буянаа