“Алтайн хүдэр”-ийг дөрвөн тэрбумаар торгохоор болжээ

“Алтайн хүдэр” компанийн 200 гаруй ажилтан өнгөрсөн баасан гаригт компанийнхаа үүдэнд суулт зарласан билээ. Компанийн 2000 орчим ажилтны эрх зөрчигдөж сүүлийн хагас жилийн цалин, хоёр жилийн турш аваагүй амралтын мөнгөө нэхэж буй юм.

Ажилтнууд ирэх баасан гаригаас компанийн удирдлагуудтай уулзахаар болжээ. Түүнээс гадна 2000 гаруй ажилтны эрхийг зөрчсөн тус компанид Мэргэжлийн хяналтын ерөнхий газраас дөрвөн тэрбум төгрөгийн торгууль тавихаар болжээ.

Б.Заяа

Эх сурвалж: “Зууны мэдээ” сонин