С.Бямбацогт мөнгөн аяга тараагаагүй

УИХ-ын гишүүн С.Бямбацогт тойргийн сонгогчиддоо мөнгөн аяга тараасан гэх мэдээ сүүлийн өдрүүдэд цахим сүлжээ, зарим мэдээллийн сувгаар явах болсон. Тэгвэл энэ талаар УИХ-дахь албаны эх сурвалжаас тодруулахад “УИХ-ын гишүүн С.Бямбацогт иргэдэд мөнгөн аяга тараагаагүй.

Цахим сүлжээгээр яваад байгаа мөнгөн аяганы тухайд  баяр ёслол, тэмдэглэлт арга хэмжээний үеэр хүндтгэл үзүүлж гардуулдаг дурсгалын зүйл. Хамгийн сүүлийн жишээ гэхэд 2015 оны 12-р сард Монгол Улсын Ерөнхийлөгчийн зарлигаар Гавьяат нисгэгч цол авсан Г.Ерөөлт, гавьяат эмч цол хүртсэн Д.Бямбахүү нарт хүндэтгэл үзүүлж гардуулсан.

Үүнийг андуурч тойрогтоо тараасан гэж ташаа мэдээллэсэн байна” гэсэн тайлбарыг өглөө. Мөн Ховд аймгийн иргэд, холбогдох эх сурвалжууд ч УИХ-ын гишүүн С.Бямбацогт мөнгөн аяга тараагаагүй болохыг нотолж байгаа юм.