МАН-ын бүлгээс Ерөнхий сайд, сайд нарт шинэ оны бэлэг барилаа

МАН-аас Ч.Сайханбилэгт зориулан өчигдөр шинэ жилийн бэлэг барилаа. Тэдний Засгийн газарт барьж буй бэлэг “Хямралын гацуур” аж. Энэхүү бэлгийнхээ талаар УИХ дахь МАН-ын бүлгийн дарга С.Бямбацогт “Энэ бэлэг бол Монголын ард түмний эрх баригчдаас хүсч байгаа хүсэлт. Бид уламжилж байна” хэмээлээ.

Уг бэлэгний ил захидал дээр “Ерөнхий сайд Ч.Сайханбилэгт та ажилтай орлоготой монгол хүн гэж зарласан. Ажилтай орлоготой монгол хүмүүс ажилгүй болж, сэтгэл санаагаар унаж байна. Та эрүүл чийрэг монгол хүн гэж их ярьсан.

Эрүүл мэндийн салбар жинхэнэ утгаараа дампуурч байна…” гэж бичсэн байна. Энэхүү ил захидал, хямралын гацууртай бэлгийг МАН-ынхан Засгийн газрын бүх гишүүдэд хүргэх аж.