М.Анхцэцэг огцом өргөлтөөр 4-р байр эзэлжээ

Катарын Доха хотноо “Qatar Cup” тэмцээн болж өндөрлөжээ. Тус тэмцээний эмэгтэйчүүдийн +75 кг жинд ОУХМ М.Анхцэцэг оролцож огцом өргөлтөөр 112 кг-ыг өргөж IV байрт орсон байна.

М.Анхцэцэгийн хувьд 69 кг жинд оролцох байсан ч зохион байгуулагчид энэ жинг цуцалснаар манай тамирчин өөрөөсөө насаар эгч, жингээр илүү тамирчидтай өрсөлдсөн юм.

Тэмцээний сүүлийн оролтын үеэр тэрээр тохойны шөрмөсөө сунгасан тул түлхэлттэй өргөлтийн төрөлд оролцож чадаагүй байна.