Энэ сарын 27-ноос ихэнх нутгаар хүйтэрнэ

Нийт нутгаар цаг агаар тогтуун байлаа. Өнөөдөр Баруун зүгийн нутгаар үүлэрхэг, нутгийн хойд хэсгээр хур тунадас орно. Бусад нутгаар багавтар үүлтэй. Хур тунадас орохгүй. Салхи нутгийн зүүн хагаст баруун хойноос бусад нутгаар баруун өмнөөс секундэд 5-10 метр. Алтай, Хангай, Хөвсгөлийн уулархаг нутгаар 13-18 градус, Орхон-Сэлэнгийн сав, говь талын нутгаар 19-24 градус, бусад нутгаар 16-21 градус дулаан байна. Улаанбаатар хотод хур тунадас орохгүй. Салхи хойноос секундэд 5-10 метр. 19-21 градус дулаан байна.

Төлөв: Энэ сарын 29-ны өдрийн хүртлэх байдлаар, 25-нд баруун зүгийн нутгаар, 26-нд баруун болон төвийн нутгаар, 27-нд ихэнх нутгаар  хур тунадас орно. Салхи их төлөв баруунаас 25-нд баруун зүгийн нутгаар, 26-нд зарим газраар, 27-нд говь, талын нутгаар секундэд 18-20 метр хүртэл ширүүсч шороон шуурга шуурна. Алтай, Хангай, Хөвсгөл, Хэнтийн уулархаг нутгаар шөнөдөө 0-5 градус хүйтэн, өдөртөө 12-17 градус, говийн бүс нутаг болон Орхон-Сэлэнгийн сав газар, Дорнод, Дарьгангийн тал нутгаар шөнөдөө 5-10 градус, өдөртөө 20-25 градус, бусад нутгаар шөнөдөө 1-6 градус, өдөртөө 17-22 градус дулаан байна. 26-нд баруун зүгийн нутгаар, 27-нд ихэнх нутгаар хүйтэрнэ.