Их говийн тэмээчдийн баярын фото агшин

Алтай хотод “Их говийн тэмээний баяр-2015” амжилттай зохион байгуулагдлаа. Их говийн тэмээчдийн наадмыг УИХ-ын гишүүн Ц.Дашдорж санаачлан өдгөө арав дахь жилдээ зохион байгуулж байгаа юм. Энэ жил наадмыг Хүнс хөдөө аж ахуйн яам хамтран зохион байгуулсан бөгөөд ГАА-ийн Нутгийн зөвлөлийн тэргүүлэгч Ш.Раднаасэд ивээн тэтгэсэн юм.

Өмнөговь, Ховд, Баянхонгор, Говь-Алтай зэрэг таван аймгийн 24 сумын тэмээчид оролцсон тэмээний баярын үеэр тэмээн парад, сайхан тэмээтэй ганган хос, шилмэл буур, ингэ, хурдан ат, хурдан торомны уралдаан зэрэг олон тэмцээн уралдаан болсон юм. Тэмээний баярын зарим агшнаас  толилуулж байна.

Мөнгө буйлын эзнээр тэмээгээ жил дараалан тогтвортой өсгөн 520 толгойд хүргэсэн, түүний ашиг шимийг нь нэмэгдүүлэхийн зэрэгцээ тэмээ маллагааны арвин туршлагаа малчид, хойч үедээ сурган өвлүүлж чадсан Говь-Алтай аймгийн Шарга сумын тэмээчин Аймгийн сайн малчин Б.Дашмягмар, С.Баадайхүү нарын гэр бүл тодорсон юм.

Тэмээчдийн ур чадвар, авхаалж самбааг шаарддаг буйл зорох, бурантаг томох, тэмээчдийн буухиа тэмцээн болж наадамчин олныг баясгасан юм.

Сайхан тэмээтэй ганган хос шалгаруулах тэмцээнд 25 хос оролцож гоёл чимэглэл, дуу хуур, ерөөл магтаалаар өрсөлдсөн ч Говь-Алтай аймгийн Чандмань сумын тэмээчин Д.Эрдэнэтуул, Д.Төгсбилэг, Эрдэнэ сумын Ж.Банзрагч, Л.Бүрэнтуяа, Шарга сумын Ш.Болдбаатар, Долгоржав нар шилдгээр шалгарсан юм.

Баярын эхний өдөр Их говийн тэмээний баярт оролцохоор ирсэн 400 гаруй тэмээчин 600 тэмээтэйгээ Алтай хотын төв талбайд парад алхсан юм.

Aрван лангийн мөнгө буйлын эзнээр тэмээгээ жил дараалан тогтвортой өсгөн 520 толгойд хүргэсэн, түүний ашиг шимийг нь нэмэгдүүлэхийн зэрэгцээ тэмээ маллагааны арвин туршлагаа малчид, хойч үедээ сурган өвлүүлж чадсан Говь-Алтай аймгийн Шарга сумын тэмээчин Аймгийн сайн малчин Б.Дашмягмар, С.Баадайхүү нарын гэр бүл тодорсон юм.

Хүмүүсийн хайр, бахархлыг зэрэгцүүлсэн хурдан торомны уралдаанд Говь-Алтай Аймгийн Шарга сумын Т.Тайвангийн хар түрүүлж, Чандмань сумын Д.Гүнчингийн улаан, Есөнбулаг сумын М.Чинбатын хар тором удаалсан.

Сайхан тэмээтэй ганган хос шалгаруулах тэмцээнд оролцсон хосууд.

Эх сурвалж: www.polit.mn