Арабуудад шонхор барьж өгдөг монгол залуусыг тагнуулынхан саатуулав

Арабуудад Монголын бахархал болсон идлэг шонхорыг барьж өгдөр монгол залуусыг тагнуулынхан шалгаж эхэлжээ. Эх сурвалжийн хэлснээр хоёр хоногийн өмнө гурван залууг баривчилж цагдан хорьжээ.

Түүнээс гадна шонхор шувуу барьж хилээр гаргадаг “Мари” гэх казах эмэгтэй удирддаг нууц бүлэглэлийг ч илрүүлэн шалгаж эхэлсэн гэх мэдээлэл байна. Ийнхүү тагнуулынхан эх орныхоо бахархалт шувуугаараа өргөмжлөгдсөн идлэг шонхоруудыг хууль бусаар нууцаар хилээр гаргадаг байж болзошгүй хэд хэдэн хүнийг илрүүлэн шалгаж, тагнуулын ажиллагаа эрчимжүүлсэн бололтой.

Дээрх хэргийн талаар албаны эх сурвалжаас тодруулахад “Мэдээлэл өгөх боломжгүй” гэсэн юм.

О.Сайхан