Дэлхийн хамгийн эртний сэлфи

Johnjards гэдэг нэртэй интернэт хэрэглэгч гэрэл зургийн нэлээн алдартай Imgur.com сайт дээр өөрийнх нь бодлоор энэ дэлхийн хамгийн анхны сэлфи зураг болох гэрэл зургийг байршуулжээ. Тэрбээр бусдад энэ зургийн түүхийг өгүүлсэн аж.

Гэрэл зураг дээр түүний өвөө дүрслэгдсэн бөгөөд зургийг 1935 онд Канадын Онтарио мужид дарсан гэнэ шүү. “Миний өвөө олсыг ашиглан камераа чиглүүлж байсан. Тэр уяа зургийн аппаратны товчлуурт холбогдсон байжээ” хэмээн уг хүн онцолжээ.

Хоёр хоногийн дотор энэ зургийг 1.5 сая хүн үзэж сонирхсон бөгөөд олон зуун сэтгэгдэл бичигджээ. Энэ зураг үнэхээр л дэлхийн хамгийн эртний сэлфи зураг эсэхийг мэргэжилтнүүд тогтоох биз ээ.

Эх сурвалж www.wikimon.mn