Эр хүний хайрыг бөхөөдөг бүсгүйчүүдийн гурван алдаа

Саяхан зүв зүгээр сайхан байсан харилцаа тань гэнэт хүйтэрч, хайр байхгүй мэт санагдаж байна уу? Энд магадгүй таны буруу байсан юм биш биз. Энэ талаар энэ удаагийн нийтлэлээрээ ярилцъя.

Хайр гэдэг ер нь сэтгэлийн хүнд ажил шүү. Үргэлж тордож арчилж байхгүй бол цэцэг шиг үхчихдэг

Харилцаанд харилцан бие биенийхээ хариуцлагыг сайн мэдэж байх чухал. Миний мэдэх нэгэн түүх бий. Манай найз нэг залуутай үерхдэг байлаа. Үргэлж хаана ч хамтдаа, үргэлж хөтлөлцөж юу ч хийсэн бүгдэд хамт байв. Өдөр ирэх тусам биедээ дурлаж дотносож хагас жил өнгөрөв.

Гэвч дурлалцаж дууссаны дараа үл ойлголцол гэх зүйлстэй тулгарч эхлэхэд л би ойлгосон юм. Тэд хоёр биендээ хэчнээн хайртай байсан ч хэн хэнийх нь муу зан ил болоход уучилж чадалгүй хайрандаа цэг тавьсан юм даа.

Магадгүй дэндүү гомдсон юм болов уу? Гэвч яасан гээч, манай найз охин эр хүний хамгийн дургүй гурван үйлдлийг үерхэж байхдаа хийгээд байсан учраас залуу нь эргэж харалгүйгээр явсан юм байна лээ.

Үүнээс товчхон авч үзвэл эр хүний дургүй гуравхан үйлдэл бий. Тэдгээрийг нь хийхгүй л байвал харилцаа “дажгүй” цаашаа яваад байна гэж хэлэх гээд байна.

1. Хашгичиж ярих. Маргаан ч бай, хэрүүл бай. Хэн ч хашгичиж байгаа хүнтэй ярилцаж эвээ олохыг хүсэхгүй.  Бачуурч байгаа уурандаа хашгираад ярихад сэтгэл тайвшраад сайхан болдог л доо. Гэхдээ энэ удаад лав биш шүү.

2. Шүүмжлэл. Бүхнийг мэдэх юм шиг шүүмжлэх нь утгагүй явдал. Таны сонгосон эр хүн бол жаахан хүү биш, том болсон эр хүн. Ер нь эр хүнд гоншигнох, шүүмжлэх, зааж заавардах, үглэх хэзээ ч таалагдаж байгаагүй. Түүнийг байгаагаар нь хайрлаж чадахгүй бол цаашдаа яах юм? Та түүнийг хайрлах гэж хамт байгаа болохоос өөрчлөх гэж биш шүү.

3. Эрхэндээ байлгаж хянах. Цаг тутамд хянаж цагдах үйлдэл чинь түүнээс улам холдуулна. Эр хүнийг хайрлая гэвэл амьсгалах агаар, эрх чөлөөг нь олгох хэрэгтэй. Хаана, хэнтэй явсан, юу хийсэн бла бла… Түүнийг ч залхаагаад өөрийгөө ч зовоогоод.

Хянаж цагдах нь эрчүүдийн худал ярих эхлэл нь болдог гэдгийг та сайн ойлгоорой.
За ийм л байна. Харахад гуравхан зөвлөгөө болохоор амархан байгаа биз? Гэхдээ эмэгтэй хүний цаанаасаа гараад ирдэг зан бол эд нар учраас л анхааруулаад байгаа хэрэг.