Нийтийн тээврийн шинэчлэлд Польш улс хамтарна
Нийслэлийн ИТХ-ын дарга Д.Баттулга Бүгд Найрамдах Польш Улсаас Монгол Улсыг шууд хамааран ажиллах Элчин Сайд Михал Лабендаг хүлээн авч уулзлаа. Уулзалтаар цаашид хэрхэн хамтран ажиллах талаар санал солилцов.
Уулзалтын үеэр Бүгд Найрамдах Польш Улсаас Монгол Улсыг шууд хамааран ажиллах Элчин Сайд Михал Лабенда “Юуны өмнө хүлээн авч уулзаж байгаад таатай байна. Бид Улаанбаатар хотын нийтийн тээврийн шинэчлэлд хамтарч эдийн засагт үр ашигтай, эко цахилгаан тээвэр нэвтрүүлж, нийслэлд зоопарк байгуулах тал дээр хамтран ажиллах саналтай байна” гэлээ.
Нийслэлийн ИТХ-ын дарга Д.Баттулга “ Улаанбаатар хотын нийтийн тээвэрт өнгөрсөн 8 дугаар сараас эхлэн парк шинэчлэл хийж, цахим систем нэвтрүүлсэн. Цахилгаан автобус манай улсын цаг агаар, нөхцөл байдалд тохирсон эсэхийг сайтар судалж, боломжтой гэж үзвэл хамтран ажиллахад бэлэн байна. Мөн 1980-аад оны үед Улаанбаатар хотод зоопарк байгуулах оролдлого хийж байсан ч бүтэлгүйтсэн.
Таны хэлсэнчлэн Польшийн амьтны хүрээлэнгийн мэргэжлийн баг нийслэлийн аль байршилд зоопарк байгуулах боломжтойг судлах нь маш чухал. Нийслэлээс ч мөн адил амьтны хүрээлэн байгуулах бололцоог судалж тодорхой төсөл боловсруулах хэрэгтэй. Хэрвээ нийслэлд амьтны хүрээлэн байгуулах боломжтой гэж үзвэл энэ тал дээр хамтран ажиллахад таатай байх болно” гэлээ.
URL:
Сэтгэгдэл бичих
You must be logged in to post a comment.
ЧИГЛЭЛ:28, 3-026 Энэ чиглэлийн автобусанд 2015 оны 11 сарын 17 өдрийн өглөө ажилдаа явахаар өглөө 7.50-д баянмонгол хорооллын автобусны буудлаас суулаа. Сэтгэлд нэг л сайхан мэдрэмж төрөв Энэ нь автобусаа цэмцийтэл цэвэрлээд угаасан байсан ингэж угаасан автобусыг би автобусанд суухдаа ойрын хэдэн жил бараг хараагүй юм байна бөөн өлөн шороо боссон л харагддаг энэ автобусны компани, болон жолоочид үнэхээр баяраллаа гэж хэлье бүх нийтийн тээвэр ийм болох болтугай