Өнөөдөр Ц.Содномдорж харцага 29 нас хүрч байна

Өнөөдөр энэ цагийн шилдэг хүчтэнүүдийн нэг улсын харцага Ц.Содномдоржийн хорвоод мэндэлсэн өдөр нь тохиож байна. Тэрбээр 1986 оны 11 дүгээр сарын 13-ны өдөр Хөвсгөл аймгийн Тосонцэнгэл суманд мэндэлжээ.

Давсaн ч, унасан ч барилдаан бүрийг нь шимтэн үздэг дэмжигч фэн олонтой түүнийг барилдаан болон бие галбир төгс хосолсон сайхан бөх хэмээн олонх дүгнэдэг. 2009 онд улсын цолны босгоор алхаж, 2011 онд харцага цолд хүрсэн түүнийг жил жилийн наадмаар дээшээ барилдана, түрүүлнэ гэж хүлээгсэд олон.

Харцага маань олны итгэлийг биелүүлж нэг л өдөр төрийнхөө их баяр наадамд амжилтаа ахиулж шинэ цолд хүрэх нь гарцаагүй.