Монгол бахархлын өдрийн хөтөлбөр
Их эзэн Чингис хааны мэндэлсэн өдөр-Монгол бахархлын өдөр маргааш буюу арваннэгдүгээр сарын 12, өвлийн тэргүүн сарын шинийн нэгэнд тохиох гэж байна.
Уг өдрөөр дараах арга хэмжээнүүд болно.
- Төрийн далбаа мандуулах ёслол 10.00 цагаас Чингис хааны нэрэмжит талбайд
- Төрийн есөн хөлт их цагаан туг цэнгүүлэх ёслол 10.40 цагаас Чингис хааны нэрэмжит талбайд
- Төрийн тэргүүн зэргийн одон “Чингис хаан” одон гардуулах ёслол 11:40 цагаас Төрийн ёслол хүндэтгэлийн их танхимд
- Улс, аймгийн алдар цолтой хүчит 128 бөхийн барилдаан Монгол бөхийн өргөөнд 14:00 цагаас тус тус болно.
- 2015 оны арваннэгдүгээр сарын 13-ны өдөр 11:40 цагаас Монгол Улсын Ерөнхийлөгчийн санаачилгаар уламжлал болгон зохиож буй “Мөнх тэнгэрийн бичиг” монгол бичгийн үзэсгэлэнгийн нээлт Монголын Уран зургийн галерейд болно. Тус үзэсгэлэн 2015 оны арваннэгдүгээр сарын 13-наас 17-ны өдрүүдэд үнэ төлбөргүй болох юм.
URL:
