Омголон цагаан сархад шиг дураараа асгарч, чамайгаа согтоогоод…
Омголон цагаан сархад шиг дураараа асгарч, чамайгаа согтоогоод
Огт байхгүйн төлөө нэг тулгачихъя, тэгээд хорвоог мартъя
Огторгуйн тайлагдашгүй түмэн зүйл шиг нууцлаг хэвээрээ үлдээд
Ондоо хэний ч төлөө биш, ганцхан чинийхээ төлөө үхчихье
Гайхалтай…, гайхамшигт…, гайхамшигтай… байхыг
Ээжий, аав хоёртой минь хамт бурхан оролцсон байх
Ганц…, ганцхан…, ганцхан чи… л байх, чамайг хайрлах сэтгэлийг
Бурхан биш аав, ээжий хоёр минь л надад үлдээсэн байх
Буурлуудад баярлах сэтгэлийг чи хэн нэгнээс өвлөсөн байх
Бурхан минь гэж дуу алдах омогшлыг чи хэн нэгэнд төрүүлсэн байх
Б.Урангоо
URL:
