Монгол охидын будаггүй төрхийг гадны хэвлэлүүд “шагшив”

Оросын Asia Russia вэб сайтад манай улсын нийгмийн сүлжээнд хүчээ аваад буй “Будаггүй төрх” буюу охид, эмэгтэйчүүдийн “No Make up Challange” давалгааны тухай мэдээлжээ.

Эмэгтэйчүүд энэхүү давалгаанд будаагүй царай, гоёогүй хувцастай “байгалиараа” зургаа оруулах бөгөөд бусад найзуудыгаа ч урина.  Хэрэв та “No Make up Challenge” давалгаанд “дуудагдсан” хэрнээ будаагүй зургаа оруулаагүй бол анх урьсан хүндээ гоо сайхны хэрэглэл авч өгөх үүрэгтэй юм байна.

Оросын сайтад уг давалгаанд нэгдсэн Монголын урлаг, соёлын алдартай бүсгүйчүүдийн гэрэл зургийг оруулж, тэднийг будаггүй байхдаа ч дур булаам, үзэсгэлэнтэй байгааг өгүүлжээ.

Мөн Малайзын “Star Online”, Их Британийн “Daily Star”, БНХАУ-ын “China Daily” гэх мэт вэб сайтуудад монгол охидын будаггүй төрхийг магтан сайшаасан байна.