Байшингаа зарахдаа гадна тохижилтоо сэтгэл татам болгох зөвлөгөө

Байшингийн гадна талбай анхаарал татахуйц, бүр аяга кофе юмуу үдшээр коктейл амтлан суух хангалттай том зайтай бол энэ нь байшингаа зарахад томоохон давуу талыг бий болгодог. Ингээд та бүхэнд гадна талбайг хамгийн оновчтой байдлаар ашиглах дараах зөвлөгөөг хүргэж байна

ШАЛЛАХ

Хэрвээ танайх жижиг талбайтай бол өндөр чанарын хавтан, чулуунд мөнгө зарах шаардлагагүй. Модон хавтан суулгах нь хээнцэр, тохилог орчин бүрдүүлэх өөр нэг арга юм.

ТӨСӨӨЛЛӨӨ ТОДОРХОЙ БОЛГОХ

Ширээний тавцан шилэн бол орчноо илүү саруулхан харагдуулдаг давуу талтай. Харагдах байдлаараа ч маш цэвэрхэн байх болно.

АРАГШ ХАРАХ

Сандалны хувьд түшлэг нь задгай эсвэл вандан сандал сонговол энэ нь хүний харж байгаа орчныг хязгаарлахгүй тул танай талбайг нээлттэй том гэж харагдуулдаг.

ТӨВЛӨРӨЛ

Жижиг зайд төв цэг бий болгох нь үзэмж нэмдэг. Жирийн нэг цэцэрлэгийн урлал, жижиг цэцэгт мод эсвэл аль нэг буландаа бяцхан усан байгууламж байрлуулвал талбайг орчин үеийн, загварлаг харагдуулж, худалдан авагчдын анхаарлыг талбайн хэмжээнд биш загварт нь илүү хандуулах болно.

ХЭМЖЭЭГЭЭ БАГАСГА

Дэлхийн хамгийн том гадна талбайн буйдан магадгүй хоосон зүүд байх, гэхдээ энэ нь хашлага юмуу ширээнд тань тийм ч их тус болохгүй. Зай талбайгаа бүхэлд нь дүүргэх хэт том биш харин талбайд ялгарч харагдахуйц  тавилга сонгох хэрэгтэй. Жишээ нь жижигхэн галын тулга сайхан сонголт байх болно.

БОСОО ТЭНХЛЭГ

Ханын цэцэрлэг нь нэмэлт талбай шаардахгүйгээр ногоон цэцэрлэгтэй харагдуулах давуу талтай.  Шүүслэг ургамлаар хийсэн ханын урлал нь хээ загвар нэмэх энгийн арга болохоос гадна талбайн зах руу анхаарлыг татсанаар талбай илүү том  харагдах юм.

ГРИЛЛИЙГ БҮҮ НУУ

Цэвэрхэн барбекью нь худалдан авагчдад өөрсдийн гэрийнхээ гадаа хоол хийж буй төсөөлөл өгдөг. Хэрвээ танай грилл бүтэн гахай шарах том хэмжээтэй эсвэл эвдэрчихсэн байгаа л биш бол түүнийг нуух хэрэггүй.