Монгол Улс ургацынхаа 90 хувийг алдсан

Ихэнх аймгуудад хур тунадас олон жилийн дундажтай харьцуулахад бага орж,  өвс, ногооны гарц муу, олон хоног өдөртөө хэт их халуун, шөнөдөө хүйтэн хонож байгаагаас ихэнх аймагт гандуу нөхцөл байдал үүсч мал сүрэг тарга тэвээрэг сайн аваагүй байна.

Түүнчлэн өвс, ногоо муугаас хадлан, тэжээл бэлтгэх өвөлжилтийн бэлтгэл ажил хүндэрч, төлөвлөсөн ургацын 50-60 %-ийг алдах эрсдэл үүсээд байгааг өнгөрсөн саруудад тариаланчид мэдэгдэж байсан.

Тэгвэл Монголын үр тариа эрхлэгчдийн “Газар тариалан” холбооны тэргүүн Л.Цандэлэг “Монгол Улс нийт ургацынхаа 90 хувийг алдсан” гэсэн мэдэгдлийг хийлээ.