Байрны гадна зогсоолоос машинаа алджээ

Сүхбаатар дүүргийн долоодугаар хорооны нутаг дэвсгэрт байрны гадна зогсоол дээрээс машин хулгайлсан хэрэг өнгөрөгч бямба гарагт гарчээ. Цагдаагийн байгууллагад дуудлагад ирсний дагуу шалгаж Сүхбаатар дүүргийн долоодугаар хороонд оршин суух хаягтай З /эмэгтэй 24 настай/-гийн “Toyоta Марк-Х” автомашиныг тодорхой оршин суух хаяггүй 27 настай эрэгтэй Н гэгч бусадтай бүлэглэн хулгайлсныг шуурхай эрэн сурвалжилж илрүүлжээ.  Уг хэргийг Сүхбаатар дүүрэг дэх цагдаагийн нэгдүгээр хэлтэст шалгаж байна.