Н.Удаанжаргал: Намайг оюутнууд сонгосон

Монголын оюутны холбоо/МОХ/-ны Ерөнхийлөгч Д.Батбаяр өөрийнхөө хүсэлтээр ажлаа өгч улмаар МОХ-ын ээлжит бус чуулганаар Н.Удаанжаргалыг сонгон томилсон.  Н.Удаанжаргал нь МОХ-ны дэд ерөнхийлөгч, хуучнаар Гадаадын иргэн харьяат, одоогийн Иргэний харьяалал, шилжилт хөдөлгөөний ерөнхий газрын дарга зэрэг албан тушаалыг хашиж байсан юм. Мөн МОХ-ын Ерөнхийлөгчөөр Монгол ардын намын хүн томилогдсон нь зориудын захиалга гэх мэдээлэл хэвлэлээр цөөнгүй гараад байна. Энэ асуудлаар Н.Удаанжаргалаас тодрууллаа.

-Ажлаа хүлээж авсан уу. Ямар ажлаас эхэлье гэж бодож байна вэ? Оюутны нийтийн тээврээр үнэгүй зорчих карттай холбоотой багагүй асуудал үүсээд байна.

-Ажлаа хүлээн аваад байна. Оюутны өөрөө удирдах байгууллагын дотоод зохион байгуулалтаас ажлаа  эхэлье гэж бодож байгаа. Нийтийн тээврийн асуудал бол оюутны эдлэх хөнгөлөлт чөлөөлөттэй холбоотой нэг л асуудал. Тэрнээс хамгийн чухал тулгамдсан асуудал ерөөсөө биш.

-Өөрийг тань МАН-ын Шинэчлэлийн хорооны Ерөнхий нарийн бичгийн даргын үүрэгт ажлыг хашиж байсантай холбоотойгоор “МОХ-ын Ерөнхийлөгчийн томилгоо намын захилага байлаа” гэж үзэх хүн цөөнгүй байна.

-Би МАН-ын хүн мөн. Гэхдээ намайг оюутнууд сонгосон. Оюутнууд хэнийг, ямар намыг сонгох нь тэдний эрх шүү дээ.

-Өмнөх Ерөнхийлөгч Д.Батбаяртай холбоотой багагүй хэмжээний мөнгө завшсан гэх асуудал яригдаж байна?

-Цөөөнгүй нарийн судлах асуудлууд байна. Эхлээд судална.

Д.Жаргал

Эх сурвалж: Zaluu.com