В.Путин Зэвсэгт хүчнээ сайжруулна

Украйны асуудал олон улсын анхаарлыг татаж байна. Эхэндээ ОХУ, Украйны хоорондын зөрчилдөөн байсан бол сунжирсаар Европын холбоо, АНУ-ын эрх баригчид оролцох болсон. Иймд ОХУ-ын Засгийн газар өөрийн зэвсэгт хүчнийг сайжруулах үүднээс байнгын арми бэлтгэж эхэлжээ. Энэ ажлын хүрээнд Зэвсэгт хүчний нөөц бий болгох шийдвэрийг гаргасан байна.

ОХУ-ын шинэ нөөц хүчин одоогийн армиас байнгын бус албан хаагчдын цалинг сарын эцсээр олгож, тогтмол бэлтгэл сургуулилтад хамруулахаараа ялгаатай аж.

Харин олон улсын шинжээчид ОХУ-ын арми бэлтгэл офицерудаа оруулад дөрвөн сая орчим албан хаагчтай боловч хангалттай бэлтгэл хийгээгүй учир ийм шийдвэр гаргалаа гэж үзэж байгаа юм.

Г.Төмөр

Эх сурвалж: “Монголын үнэн” сонин