Леброн Жэймс энэ жил MVP болно

Үндэсний сагсан бөмбөгийн холбооны албан ёсны сайт улирал болгоны эхэнд лигийн ерөнхий дасгалжуулагчдын дунд явуулдаг санал асуулгын дүнг нийтлэжээ. Багийн дасгалжуулагчдын бодлоор бол “Кливлэнд” багийн довтлогч Леброн Жэймс 2015/2016 оны улирлын Хамгийн үнэ цэнэтэй тоглогч болох гол хүн гэнэ.

Тэгсэн мөртлөө дасгалжуулагчид “Хэрэв та шинэ баг бүрдүүлэх бол ямар тоглогчийг авахыг хүсэх вэ?” гэсэн асуултад дийлэнх нь “Шинэ Орлеан” багийн Энтони Дэвисыг нэрлэсэн байна.

Лигийн хамгийн сайн хамгаалалт хийдэг тоглогчоор дийлэнх нь “Сан-Антонио Спөрс”-ийн Кавай Ленардыг нэрлэсэн бол бие хаа сайтай тоглогчоор “Оклахома-Сити”-гийн Расселл Уэстбрүүкийг тодруулав. Шилдэг мэргэн буучаар Стефен Карри, хурдан шаламгайгаар Жон Уолл, дамжуулагчаар Крис Пол, нөөц тоглогчоор Андре Игудала, ширүүн тоглогчоор Тони Аллен нар тодорсон аж.

Дасгалжуулагчдын 52 орчим хувь нь шийдвэрлэх шидэлтийг Стефен Карригаар гүйцэтгүүлнэ гэдгээ өгүүлжээ. Эх сурвалж www.wikimon.mn