Тейлор Свифт өдөрт нэг сая доллар олдог

Дэлхийн хамгийн өндөр орлоготой дуучдын 2015 оны жагсаалт гарсан талаар “The Daily Express” мэдээллээ. Энэхүү жагсаалтыг тэргүүлсэн алдарт дуучин Тейлор Свифт өдөрт 1 сая доллар олдог гэсэн мэдээ бөөн шуугиан тарьж байна.

Энэ жил Тейлор 317,8 сая доллар олсон бөгөөд оны сүүл гэхэд улам нэмэгдэж 365 сая доллар болох төлөвтэй. Өөрөөр хэлбэл, Тейлор Свифт өдөрт 1 сая доллар олдог аж.

Эдгээр мөнгөний ихэнхийг дуучин маань өөрийн “1989″ цомгийн борлуулалт, бас дэлхийн 47 оронд хийсэн аялан тоглолтоос олсон байна. Америкийн зөвхөн 5 шоуны үеэр 149108 ширхэг тасалбар зарж, 16,8 сая доллараар баяжсан гээд төсөөл дөө.

25 настай Тейлор саяхан студийн 5 дахь цомгоо гаргасан. Энэ цомог борлуулагдсан эхний долоо хоногт гэхэд л Тейлорын фэнүүдийн тоо 1,3 саяар нэмэгджээ.