Н.Алтанхуяг УИХ-ын дарга З.Энхболдыг гахайтай зүйрлэв

Гишүүдийн санаачилсан хуулийг УИХ-ын даргын зөвлөлөөр ярилцаад хэлэлцэх эсэхийг УИХ-ын дарга нь шийднэ гэж УИХ-ын Дэгийн тухай хуулинд өөрчлөлт оруулах санал гаргаад байгаа. Тус хуулийн хэлэлцүүлгийн үеэр экс Ерөнхий сайд саналаа хэлжээ. Тэрбээр би хүнд зориулж дараах үгийг хэлээгүй шүү хэмээгээд УИХ-ын даргыг гахайтай зүйрлэв.

Экс Ерөнхий сайд өнгөрсөн зургадугаар сард Прокурорын байгууллагын тухай хуульд нэмэлт оруулах тухай хуулийн төслийг өргөн барьсан боловч УИХ-ын байнгын хороод, намын бүлгээр хэлэлцсэн хуулийн төсөл нь УИХ дээр орж ирээд дөрвөн сарын турш чив чимээгүй болсонд тэрбээр эгдүүцсэн бололтой. Тиймээс УИХ-ын даргын зөвлөл болон УИХ-ын дарга З.Энхболдыг “Амьтны ферм” зохиолд гардагчлан бүх амьтад тэгш эрхтэй ч дарга гахай арай илүү эрхтэй юм байна хэмээн хэлээд авлаа.