Хүчингийн хэрэг үйлдсэн сумын дарга нар батлан даалтад гарчээ
Төв аймгийн Баянчандмань суманд өнгөрсөн долоо хоногийн пүрэв гаригт төрийн албан хаагчид холбогдсон, онц ноцтой хэрэг гарсан. Тодруулбал, Баянчандмань сумын Засаг даргын тамгын газарт малын эмч хийдэг Б гэх 26 настай бүсгүйг хуралд сууж байх үед нь Засаг даргын орлогч Б.Ханбаатар, Тамгын газрын дарга Г.Ариунболд нар дуудсан байдаг. Тухайн үед малын гоц халдварт өвчин гарсан гэх нэрийдлээр бүсгүйг хуурч, айлын унага тамганы найранд аваачсан хэмээн эх сурвалжууд мэдээлсэн. Улмаар архидан согтуурч, Засаг даргын орлогч Б.Ханбаатар бүсгүйг машинаар авч явснаар энэ хэрэг манджээ. Хэргийн газарт албаныхныг очиход Б.Ханбаатар согтууруулах ундаа их хэмжээгээр хэрэглэсэн байдалтай машин дотроо байсан бол хохирогч бүсгүй их хэмжээний цус алдаж, зодуулсан байдалтай машины гадна ухаан алдсан байжээ. Хохирогч болох 26 настай Б бүсгүйг өнгөрөгч баасан гаригт нийслэлд авчран, Улсын нэгдүгээр төв эмнэлэгт хэвтүүлсэн. Одоогоор Гэмтэл согог судлалын үндэсний төвийн Сэхээн амьдруулах тасагт эмчилж байгаа юм. Харин Баянчандмань сумын Засаг даргын орлогч Б.Ханбаатарыг Төв аймаг дахь Шүүхийн шийдвэр гүйцэтгэх албаны Цагдан хорих төвд саатуулаад байсан бол батлан даалтад гаргажээ.
Nuudel.mn
URL:
Сэтгэгдэл бичих
You must be logged in to post a comment.
шууд цаазлах хэрэгтэй шд өршөөлийн хууль батлагдсанаас хойш хүний сэтгэлд ч хүрэмгүй ийм хэрэг их гарч байна шд .Ерөнхийлөгч хүн ард олныхоо амар амаглан энх тайван байдлыг хамгаалах үүрэгтэй гэтэл юу хийгээд ямар бодлогоор ийм хууль гаргадаг байна да
MAN-ii novshnuud
Өө за бүр үү. Ийм араатнуудад ямар өршөөнгүй хандаж байхын. Төрийн албан хаагч гээд байгаа шүү.
АН ялаад тавьсан нусАН журуудын нэг ш дээ. Бас МАН-ынх гээд бичцэн байнаа. Угаасаа танхай, архичин балмад этгээд шүү дээ. Манай ардчилсанчууд дээр байхад та муусайнчууд яахын гээд л агсамнадаг байсан хүн дээ. Ах нарынхаа ачаар суллагдаа юу. Арай ч дээ.