Хөлбөмбөгийн багш, дасгалжуулагч бэлтгэж эхэлнэ

Сүүлийн үед хүүхэд, залуучуудын дунд хөлбөмбөгийн спорт эрчимтэй хөгжиж байгаа.

Мөн Монголын хөлбөмбөгийн холбооноос (МХБХ) энэ оныг “Сургалт, бүтээн байгуулалтын жил” болгон зарласантай холбогдуулан 2011-2012 оны хичээлийн жилээс хөлбөмбөгийн боловсролоор дээд мэргэжилтэн бэлтгэхээр болжээ.

Энэ хүрээнд МУБИС-ийн харьяа БТДС, ҮБТДС, “Мон-Алтиус” зэрэг сургуулиудтай хамтран Хөлбөмбөгийн боловсрол эзэмшихийг хүсч буй залуучуудад дээрх боломжийг олгож байна.

Өчигдөр дээрх сургуулиудын удирдлагууд МХБХ-ныхон хамтын ажиллагааны гэрээнд гарын үсэг зурсан юм. Сургалтын ангийг тухайн сургуулийн спорт тоглоомын анги дээр түшиглэн нээхээр болжээ.

Түүнчлэн хамтран ажиллах сургуулиудад хөлбөмбөгийн техник хэрэгсэл, тоног төхөөрөмж өгөх аж. Мөн энэ ангид элссэн оюутан залууст хөлбөмбөгийн хувцас өмсгөл өгөхөөр төлөвлөжээ.

Н.Оюундалай http://www.niigmiintoli.mn/