Согтуугаар жолоо барьж 2 хүн дайрчээ

2015 оны 9 дүгээр сарын 28-ны  өдөр  Улаанбаатар хотын Замын цагдаагийн газрын МШУЗХ дээр  нийт 380 дуудлага мэдээ мэдээлэл  хүлээн авснаас зам тээврийн ослын  298  дуудлага бүртгэгдсэн байна.

Үүнээс ХАБАЖЭГХэрэг 8 бүртгэгдэж  10 хүн хүнд хөнгөн гэмтсэн үүнээс жолооч-0, явган зорчигч- 5, зорчигч-5. Согтууруулах ундааны зүйл хэрэглэсэн үедээ замын хөдөлгөөнд оролцсон жолооч 3, явган зорчигч 1. Согтуугаар тээврийн хэрэгсэл жолоодсон 73 жолоочийг журамлан гарч болзошгүй осол хэргээс урьдчилан сэргийлсэн байна.

 Тухайлбал: СХД-ийн нутаг Баянхошууны зам, Жанцан дэлгүүрийн уулзварын зүүн замд  Т.Креста  маркийн авто машины жолооч М нь М.Пажеро маркийн Ч жолоочтой авто машинтай мөргөлдөж зорчигч 30 настай эмэгтэй О нарын 2 хүнийг дайрч гэмтээжээ. Жолооч М нь согтууруулах ундааны зүйл хэрэглэсэн үедээ тээврийн хэрэгсэл жолоодсон аж.

Мөн Баян өлгий аймгийн Баян нуур сумын төвөөс баруун ийш 20 км-т Цагаан хөшөө гэх газрын шороон замд Уаз-31519 маркийн авто машины жолооч Ж нь улсын дугааргүй мотоцикльтой мөргөлдөж , мотоциклийн жолооч 47 настай эрэгтэй Б нас барсан байна.

Б.Анир