Месси тоглолтон дээрээс шууд эмнэлэгт хүргэгджээ

“Барселона” багийн довтлогч Месси “Лас Пальмас” багтай хийсэн тоглолтонд гэмтэл авч эмнэлэгт хүргэгджээ. Хөлбөмбөгчний зүүн өвдөгний шөрмөс тасарсан гэнэ.

Энэ тухай «Барселона» багийн албан ёсны Twitter-т мэдээлсэн байна. Энэхүү гэмтлээс болж Месси найман долоо хоног талбайд гарч чадахгүй гэнэ.

Ингэснээр тэрбээр Аваргуудын лигийн тоглолтуудаас гадна Испаний лигийн тоглолтуудад ч багтаа тусалж чадахгүй болоод байна.

Аргентин залуу бямба гариг буюу энэ сарын 26-нд болсон Испанийн аварга шалгаруулах тэмцээний ээлжит тоглолтын гурав дахь минутад өрсөлдөгчтэйгээ мөргөлджээ.

Үүнээс 10 минутын дараа Месси талбайг орхисон байна. Уг тоглолтонд “Барселона” өрсөлдөгчөө 2:1-ээр хожсон юм.