Монголбанк 11.2 сая ам.доллар банкуудад нийлүүллээ

Монголбанкны  гадаад валютын дуудлага худалдаагаар банкууд 1993-1999 төгрөгийн ханшаар 24 сая ам.доллар, 310.06-311.61 төгрөгийн ханшаар 36.5 сая юань худалдан авах санал тус тус ирүүлсэн бөгөөд Монголбанк 11.2 сая ам.долларыг 1996 төгрөгийн хаалтын ханшаар, 10.50 сая юанийг 310.66 төгрөгийн хаалтын ханшаар нийлүүлэв.

Мөн энэ өдрийн ээлжит гадаад валютын своп, форвард хэлцлээр банкууд 70 сая ам.доллар худалдан авах төгрөгийн своп хэлцлийн, 20.0 сая ам.доллар худалдах ам.долларын своп хэлцлийн санал ирүүлсэн бөгөөд Монголбанк саналуудыг 100 хувь биелүүлэв.