Мөрөн хотын нисэх буудлыг Д.Гунгаагийн нэрэмжит болгожээ

Хөвсгөл аймгийн Мөрөн хотын нисэх буудлыг Улсын баатар, гавьяат нисэгч Д.Гунгаагийн нэрэмжит болгож, түүний төрсөн нутаг Төмөрбулаг суманд хөшөөг нь босгосон байна.

Хөшөөний нээлтийн арга хэмжээ ирэх бямба гарагт хийх аж. Д.Гунгаа нь Монголын анхны нисэгч бөгөөд нийтдээ хоёр сая гаруй км агаарын замыг туулж, 12000 гаруй цаг агаарын хөлгөөр нислэг үйлдсэн Монголын анхдагч, манлайлагч, нисэгчдийн түүчээ нь юм. Түүнчлэн 1939 оны Халх голын дайны үед ганцхан сарын дотор 158 удаа байлдааны нислэг үйлдсэн байдаг.